മുയൽ കൃഷി; അറിയേണ്ടതെല്ലാം.
1. കൃത്യമായ അറിവ്
2. അടച്ചുറപ്പുള്ള ഒരു ഷെഡ്
3. വൃത്തിയുള്ള കൂടുകൾ
4. നല്ലയിനം മുയലുകൾ
5. ഭക്ഷണം, വെള്ളം
6. കൃത്യമായ പരിചരണം
7. കച്ചവട സാധ്യത
ഈ ഏഴ് കാര്യങ്ങൾ ഓക്കെ ആണെങ്കിൽ നിങ്ങൾക്ക് ഒരു മുയൽ ഫാം തുടങ്ങാവുന്നതാണ്.
മുയൽ വളർത്തൽ തുടങ്ങുന്നതിനു മുമ്പ് പ്രാഥമികമായി കുറച്ചു അറിവുകൾ നാം അറിഞ്ഞിരിക്കേണ്ടതുണ്ട്. ഇതുമായി ബന്ധപ്പെട്ട് ഒരുപാട് പുസ്തകങ്ങൾ ഇന്ന് വിപണിയിലുണ്ട്. കൃഷി വിജ്ഞാന കേന്ദ്രങ്ങൾ നടത്തുന്ന ക്ലാസ്സുകളിൽ പങ്കെടുക്കാം. ഇന്റർനെറ്റ്,യൂട്യൂബ് തുടങ്ങിയ മാധ്യമങ്ങളിലൂടെ പരമാവധി അറിവുകൾ നേടുക.
ഈ സംരംഭത്തിലേക്ക് ഇറങ്ങുന്നതിനു മുമ്പ് കുറച്ചു ഫാമുകൾ നിങ്ങൾ സന്ദർശിക്കേണ്ടതുണ്ട്. നല്ല രീതിയിൽ ചെയ്തു വരുന്ന ഫാർമുകൾ തെരഞ്ഞെടുത്ത് സന്ദർശിക്കുക. അവിടെ നിന്നും പരിചയ സമ്പന്നരായ ആളുകളുടെ അറിവുകൾ നിങ്ങൾക്ക് ലഭിക്കും. അതോടൊപ്പം ഫാം നടത്തി പൂട്ടി പോയ ആളുകളുടെ അനുഭവം കൂടി പഠിക്കേണ്ടതുണ്ട്. ഇത് ഞാൻ നിരുത്സാഹപ്പെടുത്താൻ പറയുന്നതല്ല. അവർ എന്തു കാരണത്താലാണ് നിർത്തിയത് എന്നു അറിയേണ്ടതുണ്ട്. എന്നാൽ നമുക്ക് ആ പ്രതിസന്ധി തരണം ചെയ്യാൻ സാധിക്കും.
പ്രാഥമികമായി ഈ കാര്യങ്ങളൊക്കെ ചെയ്തു കഴിഞ്ഞാൽ നിങ്ങൾക്ക് ഒരു ഷെഡ് നിർമാണത്തിലേക്ക് കടക്കാം. നിങ്ങളുടെ സ്ഥല ലഭ്യതയും വളർത്താൻ ഉദ്ദേശിക്കുന്ന മുയലുകളുടെ എണ്ണവും അനുസരിച്ചു വേണം ഷെഡ് നിർമിക്കാൻ. വളരെ ചിലവ് കുറഞ്ഞ ചിലവിൽ മാത്രമേ ഷെഡ് നിർമ്മിക്കാൻ പാടുള്ളൂ. നല്ല വായു സഞ്ചാരവും പാമ്പ്, പൂച്ച, നായ മുതലായ ജീവികൾ കയാറാത്തതും ആയിരിക്കണം. നിലം മണ്ണ് തന്നെയാണ് ഏറ്റവും നല്ലത്.
കൂടുകൾ നിർമ്മിക്കുമ്പോൾ ശ്രദ്ധിക്കേണ്ടത് അല്പം കട്ടിയുള്ള വെൽഡ് മെഷ് ഉപയോഗിക്കുക. സ്വയം ഐഡിയ ക്ക് അനുസരിച്ചു നിർമിക്കുന്നതാണ് നല്ലത്. ചിലവ് കുറയും. കൂട് നിർമ്മിച്ചു കഴിഞ്ഞാൽ മെറ്റൽ പ്രൈമർ , പെയിന്റ് എന്നിവ അടിക്കുന്നത് നല്ലതാണ്.. ഇതു ചിലവ് വര്ധിപ്പിക്കുമെങ്കിലും കൂടുകൾ ഒരു പാട് കാലം കേടുപാടുകൾ കൂടാതെ നിൽക്കാൻ സഹായിക്കും. കാരണം മുയലിന്റെ മൂത്രം വെള്ളം എന്നിവ കൂടുകളിൽ സ്ഥിരമായിതട്ടുന്നതിനാൽ തുരുമ്പ് വരാനുള്ള സാധ്യത കൂടുതലാണ്.
അടുത്തതായി നിങ്ങൾ ശ്രദ്ധിക്കേണ്ട ഏറ്റവും വലിയ കാര്യം മുയലിനെ തിരഞ്ഞെടുക്കുന്നതാണ്. ശുദ്ധമായ ജനസ്സുകളാണ് ഏറ്റവും നല്ലത്. രണ്ടു ശുദ്ധമായ ജനസ്സുകൾ തിരഞ്ഞെടുക്കാം. അന്തപ്രജനനം പരമാവധി ഒഴിവാക്കുക.
CO3 പോലുള്ള പുല്ലുകൾ നട്ടു പിടിപ്പിക്കുക. ഭക്ഷണം വെള്ളം എന്നിവ കൃത്യ സമയങ്ങളിൽ കൊടുക്കുക. പെല്ലെറ്റ് തീറ്റകൾ ഇന്ന് മാർക്കറ്റിൽ ലഭ്യമാണ് അതു നൽകുക.
കൃത്യമായ പരിചരണം മുയൽ കൃഷിയിൽ ഒഴിച്ചു കൂടാനാവാത്തതാണ്. കൂടുകൾ വൃത്തിയായി സൂക്ഷിക്കുക. അല്പം ശ്രദ്ധ തെറ്റിയാൽ രോഗങ്ങൾ വരും. പ്രത്യുത്പാദനം കുറയും. മരണ നിരക്ക് കൂടും.
ഇതൊക്കെ ചെയ്താൽ പോലും നല്ല ഒരു വിപണന സാധ്യത ഇല്ലെങ്കിൽ മുയൽ കൃഷി നഷ്ടത്തിലാവും. വിപണിയെ പ്പറ്റി നന്നായി പഠിക്കുക. സ്വയം വിപണനം ചെയ്യുന്നതാണ് കൂടുതൽ ലാഭകരം. ഇടനിലക്കാരെ ഒഴിവാക്കുക.
ഞാൻ മുകളിൽ കൊടുത്ത തലവാചകം നിങ്ങൾ ശ്രദ്ധിച്ചിട്ടുണ്ടാവും. ലക്ഷങ്ങൾ സമ്പാദിക്കാം എന്നു. ഒരുപാട് വിജയഗാഥകൾ നാം പല മാസികകളിലൂടെ വായിക്കുകയും tv യിലും മറ്റുമായി കാണുകയും ചെയ്തിട്ടുണ്ട്. എന്നിരുന്നാലും ഈ കൃഷിയിലേക്ക് ഇറങ്ങി നഷ്ടത്തിൽ ആയവരും നമ്മുടെ കേരളത്തിൽ ഒരുപാട് ഉണ്ട്.
ഇതിന്റെ കാരണങ്ങൾ എന്തൊക്കെ ആണെന്ന് നോക്കാം..
1. നല്ലയിനം മുയലുകൾ ലഭിക്കാതിരിക്കുക. പലരും പരസ്യങ്ങളിൽ വഞ്ചിതരായവരാണ്. ഒരുപാട് ലാഭം ലഭിക്കും എന്നു കരുതി മുയൽ ഒരു കച്ചവട സാധനം ആയി മാത്രം കാണുന്ന ആളുകളിൽ നിന്നും മുയൽ വാങ്ങിയവരാണ് പലരും. നിങ്ങൾ ആരിൽ നിന്നാണോ മുയലിനെ വാങ്ങാൻ ഉദ്ദേശിക്കുന്നത് അവരെ പറ്റി അവരിൽ നിന്ന് മുയൽ വാങ്ങിയ ആളുകൾ , മൃഗ ഡോക്ടർ എന്നിവരോട് അഭിപ്രായം ചോദിക്കുക. അവരുടെ ഫാം വൃത്തിയോടെ നടക്കുന്ന ഒന്നാണോ എന്നു നോക്കുക.
2. ഒരുപാട് മുയലുകളെ ഒന്നിച്ചു വാങ്ങി അതിനെ കൃത്യമായി പരിചരിക്കാൻ പറ്റാതിരിക്കുക. തുടക്കക്കാർ എന്ന നിലക്ക് ഒരിക്കലും ഒന്നിച്ചു മുയലുകളെ വാങ്ങരുത്. 4ഓ 5ഓ മുയൽ കുഞ്ഞുങ്ങളെ വാങ്ങി അതിനെ വളർത്തി പ്രജനനം നടത്തി പഠിക്കുക. തുടക്കക്കാർ എന്ന നിലക്ക് 10 വരെ മുയലുകളെ വാങ്ങാം. ചെയ്യാനാവും എന്നുണ്ടെങ്കിൽ മാത്രം കൂടുതൽ മുയലുകളെ വാങ്ങുക.
3. ശ്രദ്ധക്കുറവ്: കൃത്യമായ സമയങ്ങളിൽ തീറ്റ നൽകാതിരിക്കുക, പ്രജനന കാര്യങ്ങളിൽ ആശ്രദ്ധരാവുക, കൂടുകൾ വൃത്തിയാക്കാതിരിക്കുക.
4. രോഗം, മരണ നിരക്ക് കൂടുക.: രോഗം എളുപ്പത്തിൽ വരാം. ഇന്ന് വൈകുന്നേരം നല്ല ഉത്സാഹത്തോട് കൂടി നിന്ന മുയൽ നാളെ രാവിലെയാവുമ്പോൾ മരിച്ചതായി കാണാം.
5. വിപണനം നടക്കാതിരിക്കുക. മുയൽ ഒരു പാവം ഓമനത്തമുള്ള ജീവിയാണ് എന്നുള്ള ഒരു ധാരണ എല്ലാവരുടെയും മനസ്സിൽ ഉള്ളത് കൊണ്ട് അതിനെ ഭക്ഷിക്കാൻ ആരും തയ്യാറാവില്ല. ഒമേഗ3 ഫാറ്റി ആസിഡ് അടങ്ങിയിട്ടുള്ള നല്ല വൈറ്റ് മീറ്റ് ആണ് മുയലിന്റേത്.
ഇങ്ങനെയുള്ള ഒരുപാട് പ്രതിസന്ധികളും മുയൽ വളർത്തലിൽ ഉണ്ട്. ഏതു സംരംഭം ആയാലും അതിന് അതിന്റെതായ പ്രയാസങ്ങൾ ഉണ്ടാവും. അതൊക്കെ തരണം ചെയ്തു മുന്നേറുക.
നിങ്ങൾക്ക് വിജയം ഉണ്ടാവട്ടെ എന്നു ആശംസിക്കുന്നു.
